සංචාරකයින් 480 ක් හා කාර්ය මණ්ඩලය 400 ක් රැගත් අසමාරා ක්වෙස්ට් (AZAMARA QUEST) නෞකාව 03 (ඊයෙ)වන දින පස්වරුවේ කොළඹ වරායට සේන්දු විය.
මෝල්ටා ධජය යටතේ ලියාපදිංචි කර ඇති මෙම නෞකාව දිගින් මීටර් 181හා පලලින් මීටර් 25 ක් වේ.
පැමිණි සංචාරකයින් ගෙන් වැඩි පිරිසක් යුරෝපා ජාතිකයන් වේ, මෙම නෞකාව අද 04 දින පස්වරුවේ හම්බන්තොට වරාය වෙත යාත්‍රා කිරීමට නියමිතය . මෙම නෞකාව ඉන්දියාවේ කොචින් වරායේ සිට කොළඹ වරායට පැමිණි අතර ,කොළඹ වරායේ සිට හම්බන්තොට දක්වාත් හෙට දින රාත්‍රියේ ඉන්දුනීසියාව දක්වා යාත්‍රා කිරීමට නියමිතය .
මේ දෙසැම්බර් මස තවත් සංචාරක මගී නෞකාවන් 02ක් ඉදිරි 18 හා 23 යන දින වල කොළඹ වරායට සේන්දුවීමට නියමිත බව වරාය නාවික හා ගුවන් සේවා අමාත්‍යාංශය අවධාරණය කරයි .