බදුල්ල ධර්මදූත විද්‍යාලීය ආදි ශිෂ්‍ය හොකී සංගමය පාසල තුල සහ ඌව පළාත තුළ හොකී ක්‍රිඩාව නංවාලීම අරමුණු කරගනිමින් දැවැන්ත විවෘත හොකී තරඟාවලියක් පැවැත්වීමට කටයුතු සුදානම් කර ඇත.

සත්සාමාජික කාන්තා සහ පිරිමි විවෘත හොකී තරඟාවලියක් “ (Dutha 7 ‘s) ලෙස පවත්වනු ලබන මෙම හොකී තරඟාවලිය අද(.30) සහ හෙට(.01) ‌දෙදින බදුල්ල වින්සන්ට් ඩයස් ක්‍රීඩාංගණයේ දී පැවැත්වේ. ත්‍රිවිධ හමුදාව ඇතුලු  ක්‍රීඩා සාමාජ නියෝජනය කරමින් හොකී කණ්ඩායම් 20 කට අධික ප්‍රමාණයක් මෙම තරගාවලිය සදහා සහභාගිවීමට නියමිතය.

බදුල්ල ධර්මදූත විද්‍යාලීය ආදි ශිෂ්‍ය හොකී සංගමයේ සංවිධාන ශක්තියෙන් සිව්වන වතාවටත් පවත්වනු ලබන මෙම හොකි තරගාවලියේ ප්‍රධාන සංවිධායක ලෙස ඩි.ඩබ්ලිව් නලීන්ද මහතා කටයුතු කරනු ලබන අතර, තරගාවලිය i TV (Pvt) Ltd ඔස්සේ සජීවී විකාශය කිරිමට ද නියමිතය