ධනුෂ්ක ගුණතිලකට සෙත් පතා ඔහුගේ මව අම්බලන්ගොඩදී අද දින විශේෂ පිංකමක නිරත වී තිබෙනවා.
ඒ තැනගේ පුතා හැකි ඉක්මනින් චෝදනාවලින් නිදහස් වී ඉක්මනින් තැනගේ නිවස කරා පැමිණිය යුතුයි කියන ප්රාර්ථනාව ඇතිවයි.
ඒ අනුව කැස්බෑ පැටවුන් මුහුදට නිදහස් කිරීමේ පුණ්ය කටයුත්තක ධනුෂ්ක ගුණතිලකගේ මව අද නිරත වුනා.
පසුගියදා 20 විස්ස ලෝක කුසලාන තරගාවලියට සහභාගී වීම සඳහා ශ්රී ලංකා ක්රිකට් පිල ඔස්ට්රේලියාවට ගියා. එම තරගාවලියේදී ආබාධයට ලක්වුණු ධනුෂ්ක ගුණතිලක අතිරේක ක්රීඩකයෙකු ලෙස කණ්ඩායමට එක කර ගෙන සිටියා.
එම අවස්ථාවේදී සිදුවූ බව කියන සිද්ධියක් මුල්කරගෙන කාන්තාවක් ඔහුට විරුද්ධව අනවසර ලිංගික සංසර්ගය සම්බන්ධයෙන් පැමිණිල්ලක් එරට පොලිසියට ගොනුකර තිබුනා.
ඒ සිද්ධියට අනුව අත්අඩංගුවට ගනු ලැබූ ධනුෂ්ක ගුණතිලකට අධිකරණය හමුවේ ඇප ලබා නොදීම හේතුවෙන් ඔහු දැනට ඕස්ට්රේලියාවේ බන්ධනාගාර ගත කර තිබෙනවා.
