Spread the love

රටතුළ පවත්නා කොවිඩ්-19 වසංගත තත්ත්වයට මුහුණ දීම සඳහා අවශ්‍ය කරන අත්‍යවශ්‍ය වෛද්‍ය උපකරණ හා ශල්‍ය උපකරණ තොගයක් විදේශ කටයුතු අමාත්‍යාංශයේ ලේකම් අද්මිරාල් ජයනාත් කොළඹගේ මහතා ඖෂධ නිෂ්පාදනය, සැපයීම නියාමන රාජ්‍ය අමාත්‍ය මහාචාර්ය චන්න ජයසුමන මහතා වෙත බාරදී ඇත.
මෙම වෛද්‍ය උපකරණ තොගය චන්න ජයසුමන ඇමතිවරයා වෙත බාරදි ඇත්තේ විදේශ කටයුතු අමාත්‍යංශයේදීයි.

ශ්‍රී ලංකාවේ සමග මිත්‍රශීලී රටවල් වශයෙන් කටයුතු කරන චීනය, ජර්මනිය, ඊශ්‍රායලය, ජෝර්දානය හා නොර්වේ යන රටවල්වලින් ලැබුණු මෙම වෛද්‍ය උපකරණ රෝහල් අතර බෙදාදීම සඳහා ඖෂධ නිෂ්පාදනය, සැපයීම හා නියාමන රාජ්‍ය අමාත්‍යාංශය කටයුතු කරයි.
මෙම ලැබුණු උපකරණ තොගයට, BIPAP Machines, Oxygen Cylinders, Regulators, Connector, Pulse Oximeters, Face Masks, KN95 Masks, Rapid Antigen Test Kits, RAT Kits, Nebulizers, Gloves, Face shields, Hyflex Gloves, Selefa Pe Gloves, Thermometers ඇතුළත් බවද චන්න ජයසුමන මහතා වැඩි දුරටත් පැවසුවේය..