Spread the love

කාන්තා ක්‍රිකට් විස්සයි විස්ස ආසියානු කුසලානය තමා සතු කර ගැනීමට මීට සුළු මොහොතකට පෙර ඉන්දීය පිළ සමත් වූවා.

ඒ ළකුණු 66 ක පහසු ඉලක්කයක් හඹා යමිනුයි.

ශ්‍රී ලංකා පිළ පන්දුවාර සියල්ල අවසානයේ කඩුලු 9 ක් දැවී ළකුණු 65 ක් ලබා ගැනීමට සමත් වූ අතර, ඉන්දියානු පිළ විසින් පන්දුවාර 8 යි පන්දු 03ක් අවසානයේ කඩුලු 02ක් පමණක් දැවී ලකුණු 71ක් ලබා ගනිමින් පහසුවෙන් කුසලානය තම මව් රටට දිනා දෙනු ලැබුවා.

ඒ අනුව ශ්‍රී ලංකා පිළ මෙවර ආසියානු කුසලාන පන්දුවාර විස්සයි විස්ස තරගාවලිය තුළ අනුශූරයන් බවට පත් වූවා.

——————————-

ශ්‍රී ලංකා – ඉන්දියා ආසියානු කුසලාන පන්දුවාර විස්සයි 20 කාන්තා අවසන් තරඟය අද(PublishOctober 15, 2022 6:33 am)

ආසියානු කුසලාන පන්දුවාර විස්සයි 20 කාන්තා ක්‍රිකට් තරඟාවලියේ අවසන් මහා තරඟය අද පැවැත්වෙනවා.
ඒ, ශ්‍රී ලංකා කාන්තා කණ්ඩායම හා ඉන්දීය කාන්තා කණ්ඩායම අතරයි. බංග්ලාදේශයේ සිල්හෙට්හිදී මෙරට වේලාවෙන් පස්වරු 1ට තරගය ආරම්භ වීමට නියමිතයි.
ශ්‍රී ලංකා කාන්තා කණ්ඩායමක් ආසියානු කුසලානයක අවසන් මහා තරඟයට සුදුසුකම් ලැබුවේ වසර 14 කට පසුවයි.
මීට පෙර 2008 වසරේදී ශ්‍රී ලංකා කාන්තා කණ්ඩායම ආසියානු කුසලානයේ අවසන් තරඟයට සුදුසුකම් ලැබුවා.
පන්දුවාර විස්සයි 20 තරඟ රටාව යටතේ පැවති ආසියානු කුසලාන තරඟාවලිවලදී ශ්‍රී ලංකා කාන්තා කණ්ඩායමක් එහි අවසන් මහා තරඟයකට සුදුසුකම් ලැබූ පළමු අවස්ථාව මෙයයි.
ශ්‍රී ලංකාව සහ ඉන්දියාව ආසියානු කුසලානයේදී මීට පෙර අවස්ථා 04 කදී අවසන් මහා තරඟයට සුදුසුකම් ලබා තිබෙනවා.
එහෙත් එම කිසිදු අවස්ථාවකදී ආසියානු ශූරතාව දිනා ගැනීමට ශ්‍රී ලංකා පිළට හැකි වුණේ නැහැ.