කොවිඩ් වසංගත තත්ත්වය හමුවේ සෞඛ්‍ය මාර්ගෝපදේශවලට අනුකූලව අදට යෙදී ඇති ශ්‍රී ලංකා යුධහමුදාවේ 72 සංවත්සරය සැමරීමට කටයුතු කරන බව යුද හමුදාපති ජෙනරාල් ශවේන්ද්‍ර සිල්වා මහතා පැවසුවේය.

යුද හමුදා 72 වන සංවත්සරයට සමගාමීව නිලධාරින් 567 දෙනකු සහ සෙසු නිලයින් 10,369 දෙනෙකුට උසස්වීම් ලබාදීමට ද පියවර ගත් බව යුද හමුදාපතිවරයා සඳහන් කළේය.

ඒ අනුව, ජ්‍යෙෂ්ඨ බ්‍රිගේඩියර්වරුන් 8 දෙනෙකු මේජර් ජෙනරාල් තනතුරට, කර්නල්වරුන් 17 දෙනෙකු බ්‍රිගේඩියර්, ලුතිනන් කර්නල්වරුන් 42 ක් කර්නල් තනතුරට, මේජර්වරුන් 60 ක් ලුතිනන් කර්නල් දක්වා, 256 කපිතාන්වරුන් මේජර්, 10 දක්වා උසස් කර ඇත. ලුතිනන්වරුන් කපිතාන් තනතුරටත්, 2 වන ලුතිනන්වරුන් 152 ක් ලුතිනන් නිලයටත්, පරිවාස නිලධාරින් 22 ක් ලුතිනන් තනතුරටත් (QM) පත් කර ඇත.

2019 අගෝස්තු 18 වන දින ජෙනරාල් ශවේන්ද්‍ර සිල්වා හමුදාපති ධුරයට පත් වීමෙන් පසු වාර්තාගත ලෙස නිලධාරීන් 3,873 ක් උසස් කිරීම් සහ සෙසු නිලයන් සඳහා 78,707 ක් උසස්වීම් ලබා දී ඇති බව යුද හමුදාව පැවසුවේය.