හිටපු කථානායක කරු ජයසූරිය මහතාගේ නායකත්වයෙන් යුත් සමාජ ව්‍යාපාරය සමග එක්වීමට තමන් සූදානම් බව අමාත්‍ය හරීන් ප්‍රනාන්දු මහතා සඳහන් කරයි.
එළඹෙන අගෝස්තු මාසය වන විට තත්ත්වය සලකා බලමින් තම අමාත්‍ය ධූරයෙන් ඉල්ලා අස්වී කරු ජයසූරිය මහතාගේ නායකත්වයෙන් වන ජාතික ව්‍යාපාරයට එක් වීමට තමන් සූදානම් බව ද හෙතෙම පැවසීය.
කරූ ජයසූරිය මහතා සහ වික්ටර් අයිවන් මහතා විසින් ඉදිරිපත් කර ඇති යෝජනාව ඉතා හොඳ සංකල්පයක් බව තමන් විශ්වාස කරන බවත් පසුගියදා පැමිණ එය ඉදිරිපත් කරන ලද බවද හෙතෙම පැවසීය.
තමන්ට අවශ්‍ය වන්නේ තම දේශපාලන කටයුතුවලින් ඉවත්වී ඊට සම්බන්ධ වීමට බවද ඔහු සඳහන් කර තිබේ.
ඩේලි මිරර් පුවත් පත සමග සාකච්ඡාවකට එක්වෙමින් ඒ මහතා මෙම අදහස් පළ කර ඇත.