කොළඹ තරු පන්තියේ හෝටලයක දින 18ක කාලයක් නවාතැන්ගෙන සිට මුදල් නොගෙවා පැන ගිය භික්‍ෂුවක් මහියංගන ප‍්‍රදේශයේ විහාරස්ථානයකදී පොලිසිය විසින් අත්අඩංගුවට ගෙන ඇත.
එම හිමිනම අගෝස්තු මස 31 වැනි දින සිට දින 18ක කාලයක් හෝටලයේ නැවතී සිට ඇති අතර ඊට අදාල ගාස්තුව රුපියල් 527,820ක මුදලකි.
අදාල ගාස්තුව නොගෙවා හිමිනම අසනීප තත්ත්වයක් යයි පවසමින් කොළඹ ජාතික රෝහලට ඇතුළු වී ඇති අතර හෝටලයට පවසා ඇත්තේ තමන් අදාළ මුදල ගෙවන බවය.
නමුත් එම මුදල් ගෙවීම පැහැර හැරීම මත හෝටලය විසින් පොලිසියට කරන ලද පැමිණිල්ලක් මත මෙම අත්අඩංගුවට ගැනීම සිදු කර ඇත.