දඹගල්ල පොලිස් වසමේ කොලොන්කඳපිටිය ප්‍රදේශයේ නිවසක් තුල කාන්තාවක් පුළුස්සා ඝාතනය කර ඇති බවට දඹගල්ල පොලිස් ස්ථානයට ලද පණිවිඩයක් මත විර්මශන ආරම්භ කර ඇත.
මරණකාරිය වයස අවුරුදු 55 ක් වූ කොලොන්කඳපිටිය, දඹගල්ල ප්‍රදේශයේ පදිංචිකාරියකි.
මරණකාරියට තියුණු ආයුධවලින් පහරදී පුළුස්සා ඝාතනය කර ඇති බවට සිදුකරනලද විමර්ශන අනුව අනාවරණය වී ඇති අතර සිද්ධිය සම්බන්ධයෙන් වයස අවුරුදු 35 ක් වන මරණකාරියගේ පුත්‍රයා, වයස අවුරුදු 30 ක් වන දියණිය සහ වයස අවරුදු 34 ක් වන මරණකාරියගේ ලේලිය අත්අඩංගුවට ගෙන ඇත.
මෘත ශරීරය මොණරාගල රෝහලේ මෘත ශරීරාගාරයේ තැන්පත් කර ඇති අතර දඹගල්ල පොලිසිය වැඩිදුර විමර්ශන සිදු කරනු ලබයි.