සහල් මෙට්රික්ටොන් 50,000ක් සමූපාකාර තොග වෙළෙඳ සංස්ථාවට මේ මස 20 වැනිදා වනවිට ලැබීමට නියමිත බවත් එවිට සහල් අර්බුදය විසඳීම හැකිවන ජනාධිපති අනුර කුමාර දිසානායක මහතා පවසයි.
මෙරට සහල් සංචිත සම්බන්ධයෙන් ඇති වාර්තා පිළිබඳ ගැටළුකාරී තත්ත්වයක් පවතින බවයි.
මාධ්ය ආයතන ප්රධානීන් සමග ජනාධිපති ලේකම් කාර්යාලයේ පැවති සාකච්ඡාවට එක්වෙමින් ජනාධිපතිවරයා මේ බව සඳහන් කළේය.
දැනට ක්රියාත්මක වෙමින් පවතින සහල් මාෆියාව බිඳදැමීමට අවශ්ය ක්රියාමාර්ග සකස් කරමින් සිටින බවද ජනාධිපතිවරයා පැවසීය.
වැඩි දුරටත් අදහස් දැක්වු ජනාධිපති අනුර කුමාර දිසානායක මහතා”
අපි ඇවිත් කෙටි දවසකින් කෘෂිකර්ම දෙපාර්තමේන්තුවෙන් අපිට ලැබුණු වාර්තාව රට තුළ සහල් ප්රමාණවත් කියලා. නමුත් පාරිභෝගික අධිකාරිය විසින් කළ සමීක්ෂණ අනුව හෙළිවුණා සහල් හිඟයක් තියෙනවා කියලා. ඒ නිසා අපි සහල් ආනයනය කරන්න තීරණය කල බවයි.
මේක දෙන්නෙක් තුන්දෙනෙක්ගේ ඒකාධිකාරියකට අයිති වෙන්න ඉඩ දෙන්නේ නැහැ. දැනට ඒගොල්ලන්ට ඒ හයිය තියෙනවා. අපිට පාලනය කරගැනීම සඳහා මෙවලමක් නැති නිසා. අපි දැඩි ස්ථාවරයක ඉන්නවා. අවශ්ය ක්රියාමාර්ග අපි ගන්නවා. නමුත් යම් කාලයක් යයි යනුවෙන්ද පැවසුවේය.