නිමල් රාජපක්ෂ-
ශ්රී ලංකා වරලත් ගණකාධිකාරී ආයතනය (CA Sri Lanka) විසින් සංවිධානය කරනු ලබන 47 වැනි ජාතික වරලත් ගණකාධිකාරී සමුළුව ඔක්තෝබර් මස 7 වැනිදා සිට 9 වැනිදා දක්වා පැවැත්වීමට නියමිතය.
මෙවර සමුළුව “FUSION” යන තේමාව යටතේ පැවැත්වෙන අතර, දේශීය හා ජාත්යන්තර වශයෙන් වෘත්තීය හා ව්යාපාරික ක්ෂේත්රයේ ප්රමුඛයන් රැසක් ඊට එක්වීමට නියමිතය.
1979 වසරේදී ආරම්භ වූ ජාතික වරලත් ගණකාධිකාරී සම්මන්ත්රණය මේ වන විට ශ්රී ලංකාවේ වෘත්තීය ක්ෂේත්රයේ වැදගත්ම සමුළු අතරට එක්ව තිබේ. වසර ගණනාවක් පුරා ශ්රී ලංකාව තුළ මෙන්ම ජාත්යන්තර වශයෙන්ද ප්රමුඛ පෙළේ ගණකාධිකාරීවරුන්, ව්යාපාරිකයන්, වෘත්තිකයන් සහ ප්රතිපත්ති සම්පාදකයන් මෙම සම්මන්ත්රණයට එක්වී තිබේ.
මෙවර සම්මන්ත්රණයේදී වර්තමාන ආර්ථික හා ව්යාපාරික පරිසරයේ සිදුවන වේගවත් වෙනස්කම්, නව තාක්ෂණය, නවෝත්පාදනය, වෘත්තීය ක්ෂේත්රයේ අනාගතය සහ ව්යාපාරික නායකත්වය ඇතුළු වැදගත් කරුණු පිළිබඳව අවධානය යොමු කිරීමට නියමිතය.
මේ සම්බන්ධයෙන් අදහස් දක්වුTshan Subasinghe මහතා ආර්ථික හා ව්යාපාරික ලෝකය වේගයෙන් වෙනස් වෙමින් පවතින අවස්ථාවක වෘත්තිකයන් අතර දැනුම, අත්දැකීම් සහ අදහස් හුවමාරු කරගැනීම ඉතා වැදගත් බවයි. එමෙන්ම විවිධ ක්ෂේත්ර නියෝජනය කරන පිරිස් එකම වේදිකාවකට ගෙන ඒම මගින් වර්තමාන අභියෝගවලට විසඳුම් සෙවීමට අවස්ථාව සැලසෙන බවද ඔහු සඳහන් කළේය.
සම්මන්ත්රණය පිළිබඳව අදහස් දක්වමින් Thivanka Jayasinghe මහතා සඳහන් කර ඇත්තේ වසර ගණනාවක් පුරා වරලත් ගණකාධිකාරීවරුන්ගේ ජාතික සම්මන්ත්රණය ශ්රී ලංකාවේ ව්යාපාරික හා වෘත්තීය ක්ෂේත්රය හැඩගැස්වීමට වැදගත් වේදිකාවක් වී ඇති බවයි. මෙවර සම්මන්ත්රණය තුළින්ද වෘත්තිකයන්ට තම දැනුම හා අත්දැකීම් හුවමාරු කරගැනීමට මෙන්ම නව සම්බන්ධතා ගොඩනගා ගැනීමට අවස්ථාව සැලසෙන බව ඔහු පෙන්වා දෙයි.
මෙවර සම්මන්ත්රණය සඳහා 2,500කට අධික පිරිසක් සහභාගී වීමට නියමිත අතර, C-suite මට්ටමේ විධායක නිලධාරීන්, ප්රධාන පෙළේ ව්යාපාරිකයන්, වෘත්තිකයන්, ව්යවසායකයන් ඇතුළු විශාල පිරිසක් ඊට එක්වනු ඇත. එමෙන්ම දේශීය හා ජාත්යන්තර වශයෙන් කථිකයන් 25කට අධික පිරිසක් සම්මන්ත්රණයට එක්වීමට නියමිත බවද සඳහන් ..
මෙවර “FUSION” තේමාව යටතේ විවිධ දැනුම් හා වෘත්තීය ක්ෂේත්ර එකට සම්බන්ධ කරමින් නව අදහස් හා නව අවස්ථා නිර්මාණය කිරීම කෙරෙහි විශේෂ අවධානයක් යොමු කෙරේ. ව්යාපාරිකයන්, වෘත්තිකයන්, ප්රතිපත්ති සම්පාදකයන් සහ අනෙකුත් පාර්ශ්ව අතර සහයෝගීතාව ශක්තිමත් කිරීමද මෙහි ප්රධාන අරමුණකි.
සම්මන්ත්රණයේ විශේෂ වැඩසටහන් සඳහා Phoenix සංගීත කණ්ඩායමද එක්වන අතර, නායකත්වය, පරිවර්තනය, වර්ධනය, නවෝත්පාදනය සහ වෘත්තීය ක්ෂේත්රයේ අනාගතය සම්බන්ධයෙන්ද විශේෂ වැඩසටහන් පැවැත්වීමට නියමිතය.
මේ සම්බන්ධයෙන් Nishani Perera මහත්මිය සඳහන් කර ඇත්තේ වර්තමාන ලෝකයේ වේගවත් වෙනස්කම් හමුවේ වෘත්තිකයන්ගේ භූමිකාවද නිරන්තරයෙන් වෙනස් වන බැවින්, එම වෙනස්කම්වලට සාර්ථකව මුහුණදීමට අවශ්ය දැනුම හා අවබෝධය ලබාදීම මෙවැනි සමුළුවක වැදගත් අරමුණක් වන බවයි.
ඒ අනුව ඔක්තෝබර් 7, 8 සහ 9 යන දිනවල පැවැත්වෙන 47 වැනි ජාතික වරලත් ගණකාධිකාරී සම්මන්ත්රණය ශ්රී ලංකාවේ ව්යාපාරික හා වෘත්තීය ක්ෂේත්රයේ නව දැක්මක් ගොඩනගන වැදගත් අවස්ථාවක් වෙයි.
NIMAL RAJAPAKSHA -0777 305 751
srarajnews@gmail.com
nimalrajapaksha2@gmail.com
ඹබගේ ආයතන ,ව්යාපාරික , කලා කටයුතු හා නිර්මාණ කටයුතු ඉතා පහසු හා අඩුම මිලට පළකර ගැනීම සදහා අප මාධ්ය ආයතනය අමතන්න