නිමල් රාජපක්ෂ-
ශ්රී ලංකා යුද්ධ හමුදාවේ 76 වන සංවත්සරය උදෙසා සංවිධානය කරනු ලබන ආශිර්වාද ලබා ගැනීමේ විශේෂ ආගමික වැඩසටහන් මාලාව, අද ( 26) අනුරාධපුරය ජය ශ්රී මහා බෝධිය අභියසදී යුද්ධ හමුදාධිපති ලුතිනන් ජෙනරල් ලසන්ත රොද්රිගෝගේ ප්රධානත්වයෙන් ආගමික වතාවත් පැවැත්විණ.
මෙහිදී රුවන්වැලි මහ සෑය අභියසින් ආරම්භ වූ යුද්ධ හමුදා ධජ රැගත් පෙරහැර ජය ශ්රී මහා බෝධිය අභියසට ගමන්කර පසුව ජය ශ්රී මහා බෝ සමිදුන් අභියසදී ආශිර්වාදයට පාත්ර කරන ලදි.
අටමස්ථානාධිපති පල්ලේගම හේමරතන නායක ස්වාමීන් වහන්සේගේ ප්රධානත්වයෙන් මෙම ආගමික වතාවත් සිදු කෙරිණි.
මේ අතර වව්නියාව ශ්රී කන්දසාමි කෝවිල් පරිශ්රයේදී යුද්ධ හමුදාධිපතිගේ ප්රධානත්වයෙන් යුද්ධ හමුදා ධජයන්ට සෙත් පැතීම සඳහා හින්දු ආගමික වතාවත් සිදු කරන ලදි.
අනතුරුව යුද්ධ හමුදාධිපති ලුතිනන් ජෙනරල් ලසන්ත රොද්රිගෝ, රණක්ෂිතයට පත් අනුරාධපුර ‘අභිමන්සල 1’ සුවසහන මධ්යස්ථානයේ ප්රතිකාර ලබන පුනරුත්තාපනලාභීන්ගේ සුවදුක් විමසීම සඳහා විශේෂ සංචාරයක්ද සිදු කළේය.
මෙම වැඩසටහන් සඳහා යුද්ධ හමුදාවේ සියලුම රෙජිමේන්තු නියෝජනය කරමින් ජ්යෙෂ්ඨ නිලධාරීන්, නිලධාරීන් සහ සෙසු නිලයින් පිරිසක් සහභාගී විය.