නිමල් රාජපක්ෂ-
බන්ධනාගාර තුළ හදිසි තත්වයක් ඇති වුවහොත් ප්රාදේශියව සම්බන්ධිකරණයක් පවත්වා ගනිමින් රාජ්ය ආයතන අතර ඒකාබද්ධ යාන්ත්රණයක් ඇති කිරීම තුළින් හදිසි ප්රතිචාර දැක්වීම සහ රැඳවියන්ගේ සුභ සාධන කටයුතු විධිමත් කිරීමේ අරමුණින් යුතුව ක්රියාත්මක වැඩපිළිවෙළ යටතේ පොළොනනරුව බන්ධනාගාරය මුලික කර ගනිමින් ඒකාබද්ධ යාන්ත්රණය පිහිටුවීම අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර මහතාගේ ප්රධානත්වයෙන් තමන්කඩුව ප්රාදේශීය ලේකම් කාර්යාලයේදී ( 26) පස්වරුවේ පැවැත්විණ.
හදිසි අවස්ථාවකදී ප්රතිචාර දැක්වීමට සහ රැඳවියන්ගේ සුභ සාධනය මුලික අරමුණ කර ගනිමින් රාජ්ය ආයතන සම්බන්ධ කර ගනිමින් ඒකාබද්ධ යාන්ත්රණයක් දිවයිනේ සෑම බන්ධනාගාරයක් තුළම ස්ථාපිත කිරීමට කටයුතු කරනු ලබන අතර, ඒකාබද්ධ යාන්ත්රණය පිහිටුවීමේ අරමුණ සම්බන්ධයෙන් අධිකරණ අමාත්යතුමා විසින් රාජ්ය නිලධාරීන් දැනුවත් කරන ලදී. අනතුරුව පොළොන්නරුව බන්ධනාගාරයේ නිරීක්ෂණ චාරිකාවක් සඳහාද අමාත්යවරයා එක්විය.
පොළොන්නරුව බන්ධනාගාර අධිකාරී ඩබ්ලිව්.ඒ.ජේ. අරවින්ද, පොළොන්නරුව දිස්ත්රික් ලේකම්තුමා, පොළොන්නරුව ප්රදේශය භාර ජ්යේෂ්ඨ නියෝජ්ය පොලිස්පතිතුමා ඇතුළු ජල සම්පාදන මණ්ඩලය, බන්ධනාගාර දෙපාර්තමේන්තුව, ශ්රී ලංකා නාවික හමුදාව, යුද හමුදාව, පොලීසිය, සෞඛ්ය වෛද්ය නිලධාරී කාර්යාලය ඇතුළු රාජ්ය ආයතන නියෝජනය කරමින් උසස් නිලධාරීන් මෙම අවස්ථාවට එක්ව සිටියහ.