නිමල් රාජපක්ෂ-
කොළඹ, සැප්තැම්බර් 11, 2026 – “කැදැල්ල කොළඹ වෙළෙඳ ප්රදර්ශනය 2026 සහ මෝටර් ෂෝ 2026” කොළඹ 07, BMICH හි සිරිමාවෝ බණ්ඩාරනායක අනුස්මරණ ප්රදර්ශන මධ්යස්ථානයේදී නිල වශයෙන් ආරම්භ කෙරිණි.
මෙම ප්රදර්ශනය වෘත්තීය අධ්යාපන නියෝජ්ය අමාත්ය නලින් හේවගේ මහතා, පාර්ලිමේන්තු මන්ත්රී විසින් සම්භාවනීය ආරාධිත අමුත්තන් රැසකගේ සහභාගිත්වයෙන් චාරිත්රානුකූලව විවෘත කරන ලදී.
MAS Exhibition & Conventions Pvt Ltd විසින් සංවිධානය කරනු ලබන මෙම තෙදින ප්රදර්ශනය මගින් නිවාස, ඉදිකිරීම් සහ මෝටර් රථ කර්මාන්ත එකම වහලක් යටට ගෙන එමින්, නරඹන්නන්ට පුළුල් පරාසයක නිෂ්පාදන, සේවා සහ නවීන තාක්ෂණයන් එකම ස්ථානයකදී අත්විඳීමට අවස්ථාව සලසා දෙයි.
“කැදැල්ල කොළඹ වෙළෙඳ ප්රදර්ශනය 2026” නිර්මාණය කර ඇත්තේ තම නිවාස ගමනේ සෑම අදියරකම සිටින පුද්ගලයන් සහ පවුල් සඳහාය. නව නිවසක් සැලසුම් කිරීමේ හා ඉදිකිරීමේ සිට දැනට පවතින දේපළක් සම්පූර්ණ කිරීම, ප්රතිසංස්කරණය කිරීම හෝ වැඩිදියුණු කිරීම දක්වා අවශ්ය විසඳුම් මෙහිදී ලබාගත හැකිය.
ඉදිකිරීම්, ගෘහ නිර්මාණ ශිල්පය, අභ්යන්තර හා බාහිර නිර්මාණ විසඳුම්, ගොඩනැගිලි ද්රව්ය සහ නිවාස වැඩිදියුණු කිරීමේ ක්ෂේත්රවල සැපයුම්කරුවන් සහ සේවා සපයන්නන් සමඟ සම්බන්ධ වීමට නරඹන්නන්ට අවස්ථාව හිමි වේ.
නිවසක් වඩාත් සම්පූර්ණ, සුඛෝපභෝගී සහ පුද්ගලික රුචිකත්වයට ගැළපෙන ස්ථානයක් බවට පත් කිරීමට අවශ්ය මෙට්ට සහ කොට්ට, සෝෆා, තිර රෙදි, ආලෝකකරණ සහ සවිකිරීම්, පැන්ට්රි කබඩ්, සූර්ය බලශක්ති විසඳුම්, පළිබෝධ පාලන සේවා, CCTV සහ නිවාස ආරක්ෂක පද්ධති ඇතුළු තවත් නිෂ්පාදන රැසක් ද මෙහිදී ප්රදර්ශනය කෙරේ.
මෙම නිෂ්පාදන සහ සේවා සඳහා විශාල වට්ටම්, විශේෂ ප්රවර්ධන සහ ප්රදර්ශන විශේෂ දීමනා යටතේ අවස්ථා ලබාදීමටද කටයුතු කර තිබේ.
“The Motor Show 2026” මගින් විදුලි වාහන, නව වාහන හඳුන්වාදීම්, සම්භාව්ය වාහන, මෝටර් රථ උපාංග සහ සජීවී ප්රදර්ශන ඇතුළු මෝටර් රථ කර්මාන්තයේ නවතම වර්ධනයන් ඉදිරිපත් කරයි. යතුරුපැදි ස්ටන්ට් සංදර්ශන තරුණ නරඹන්නන් සහ මෝටර් රථ ලෝලීන් සඳහා විශේෂ ආකර්ෂණයක් එක් කරනු ඇත.
“කැදැල්ල කොළඹ වෙළෙඳ ප්රදර්ශනය 2026 සහ The Motor Show 2026” සැප්තැම්බර් 11, 12 සහ 13 යන දිනවල පැවැත්වීමට නියමිත අතර, නිවාස, ඉදිකිරීම් සහ මෝටර් රථ විසඳුම් එකම ජාතික මට්ටමේ ප්රදර්ශනයකදී අත්විඳීමට මහජනතාවට ආරාධනා කර තිබේ.
NIMAL RAJAPAKSHA -0777 305 751
srarajnews@gmail.com
nimalrajapaksha2@gmail.com
ඹබගේ ආයතන ,ව්යාපාරික , කලා කටයුතු හා නිර්මාණ කටයුතු ඉතා පහසු හා අඩුම මිලට පළකර ගැනීම සදහා අප මාධ්ය ආයතනය අමතන්න