නිමල් රාජපක්ෂ-
කොළඹ, 2026 අගෝස්තු 4 – යෞවන කටයුතු හා ක්රීඩා අමාත්යාංශය ශ්රී ලංකාවේ ප්රමුඛ රාජ්ය හා පෞද්ගලික ආයතන සමඟ එක්ව “Colombo Marathon 2026” ජාත්යන්තර මැරතන් තරගාවලිය නිල වශයෙන් එළිදක්වා තිබේ. “Steps for Peace and Humanity” යන තේමාව යටතේ පැවැත්වෙන මෙම තරගාවලිය ශ්රී ලංකාවේ ප්රමුඛ ජාත්යන්තර නගර මැරතන් තරගය බවට පත් කිරීම මෙහි ප්රධාන අරමුණයි.
මෙම නිල එළිදැක්වීම City of Dreams Sri Lanka හිදී පැවැත්වුණු අතර, යෞවන කටයුතු හා ක්රීඩා අමාත්ය සුනිල් කුමාර ගමගේ, නියෝජ්ය අමාත්ය සුගත් තිලකරත්න, අමාත්යාංශ ලේකම් අරුණ බණ්ඩාර, ක්රීඩා සංවර්ධන දෙපාර්තමේන්තුවේ අධ්යක්ෂ ජනරාල් එස්. අච්චුතාන් ඇතුළු රාජ්ය නිලධාරීන්, අනුග්රාහකයන් සහ මාධ්ය නියෝජිතයන් රැසක් සහභාගි වූහ.
මෙම මැරතන් තරගය 2026 සැප්තැම්බර් 13 දින පැවැත්වීමට නියමිත අතර, ශ්රී ලංකාව ජාත්යන්තර ක්රීඩා සංචාරක සිතියම මත ප්රමුඛ ස්ථානයකට ගෙන ඒම, ක්රීඩා සංචාරක කර්මාන්තය ප්රවර්ධනය කිරීම, තරුණ ප්රජාව ක්රීඩාවට යොමු කිරීම සහ ශ්රී ලංකාවේ ජාත්යන්තර ප්රතිරූපය ශක්තිමත් කිරීම මෙහි අරමුණු අතර වේ.
අමාත්ය සුනිල් කුමාර ගමගේ මහතා සඳහන් කළේ, මෙම තරගාවලිය ශ්රී ලංකාවේ ජාත්යන්තර ක්රීඩා ක්ෂේත්රයේ නව සන්ධිස්ථානයක් වන අතර, ලෝක මට්ටමේ ක්රීඩා ඉසව් සංවිධානය කිරීමේ හැකියාව රටට පෙන්වා දෙන අවස්ථාවක් බවයි.
Cinnamon Hotels & Resorts සහ City of Dreams Sri Lanka නියෝජනය කරමින් අදහස් දැක්වූ කමල් මුණසිංහ මහතා පැවසුවේ, මෙම තරගාවලිය කොළඹ නගරයේ ක්රීඩා, සංචාරක හා ආගන්තුක සත්කාර ක්ෂේත්රයට නව මානයක් එක් කරන බවයි.
John Keells Holdings PLC හි දිලීප මුදදෙණිය මහතා ද සඳහන් කළේ, මෙවැනි ජාත්යන්තර ඉසව් මඟින් කොළඹ නගරයේ සහ ශ්රී ලංකාවේ ගෝලීය ප්රතිරූපය තවදුරටත් ශක්තිමත් වන බවත්, ආර්ථික හා සමාජීය ප්රතිලාභ රැසක් රටට හිමිවන බවත්ය.
මෙම අවස්ථාවේදී LPL Jaffna Kings කණ්ඩායමේ නව නිල ජර්සිය ද එළිදැක්වූ අතර, කණ්ඩායම් නායක භානුක රාජපක්ෂ මහතාද ඊට එක්විය.
තරගාවලිය යටතේ සම්පූර්ණ මැරතන් (42.195 km), අර්ධ මැරතන් (21.097 km), කිලෝමීටර් 10 මාර්ග ධාවනය, කිලෝමීටර් 5 විනෝදාත්මක ධාවනය සහ ළමා මිනි ධාවනය යන ඉසව් පැවැත්වීමට නියමිත අතර, දේශීය හා විදේශීය ක්රීඩකයන් 4,000කට අධික පිරිසක් සහභාගි වනු ඇතැයි අපේක්ෂා කෙරේ.
ජාත්යන්තර මැරතන් ප්රමිතීන්ට අනුකූලව තරගය සංවිධානය කිරීම සඳහා විදේශීය මිනුම් විශේෂඥයකුගේ සහය ලබාගෙන ඇති අතර, ශ්රී ලංකා මලල ක්රීඩා සංගමයේ නිලධාරීන් 100කට ආසන්න පිරිසක් තරග මෙහෙයවීමට එක්වනු ඇත.
මෙම Colombo Marathon 2026 යෞවන කටයුතු හා ක්රීඩා අමාත්යාංශය සහ ශ්රී ලංකා ජාතික ඔලිම්පික් කමිටුව එක්ව සංවිධානය කරන අතර, Union Assurance, Elephant House, Nations Trust Bank, City of Dreams Sri Lanka, Nestomalt, DC Group, IPG Group සහ Rupavahini ඇතුළු ආයතන රැසක් අනුග්රහය දක්වයි.
තරගයට ලියාපදිංචි වීම මේ වන විට ආරම්භ කර ඇති අතර, වැඩිදුර තොරතුරු www.colombomarathon.lk
වීඩිියෝව නරඹන්න
NIMAL RAJAPAKSHA -0777 305 751
srarajnews@gmail.com
nimalrajapaksha2@gmail.com
ඹබගේ ආයතන ,ව්යාපාරික , කලා කටයුතු හා නිර්මාණ කටයුතු ඉතා පහසු හා අඩුම මිලට පළකර ගැනීම සදහා අප මාධ්ය ආයතනය අමතන්න