නිමල් රාජපක්ෂ-.
ඩෙංගු අධි අවධානම් සෞඛ්ය වෛද්ය නිලධාරි කොට්ඨාශ වල වර්තමාන තත්ත්වය සමාලෝචනය කිරීම සහ ඩෙංගු මදුරු මර්දන වැඩපිළිවෙලේ මෙතෙක් පැවැති ගැටළු අවම කර ගනිමින් ඉදිරි ඩෙංගු මදුරු මර්දන කටයුතු ශක්තිමත් කිරීම පිලිබඳව වූ විශේෂ රැස්වීමක් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් කොළඹ ජාතික රෝහලේ බාහිර රෝගී අංශයේ ශ්රවණාගාරයේ දී අද (05) පැවැත්විණි.
එහිදී සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා ඉහත කරුණු දක්වන ලදි.
සෞඛ්ය හා ජනමාධ්ය අමාත්යාංශයේ ජාතික ඩෙංගු මර්දන වැඩසටහන මෙම විශේෂ රැස්වීම සංවිධානය කර තිබුණු අතර, මෙම විශේෂ රැස්වීම සඳහා ඩෙංගු අධිඅවධානම් සෞඛ්ය වෛද්ය නිලධාරි කොට්ඨාශවල මෙන්ම මුළු දිවයිනම ආවරණය වන පරිදි මහජන සෞඛ්ය ක්ෂේත්රයට සමිබන්ධ නිලධාරීන් සහ සෞඛ්ය කාර්ය මණ්ඩල සහභාගි කර ගැනීමට ද ජාතික ඩෙංගු මර්දන වැඩසටහන කටයුතු කර තිබුණි.
මෙහිදී පසුගිය ඩෙංගු අධි අවධානම් කාලය තුළ ක්රියාත්මක කළ වැඩපිළිවෙලේ අඩුපාඩු, වැරදි හදුනා ගැනීම සහ සෞඛ්ය වෘත්තිකයින්ගේ නව අදහස් ලබාගැනීම ද සිදු වු අතර, ක්ෂේත්රයේ පවතින වත්මන් අභියෝග හදුනා ගැනීම, ඉදිරියේ දී විශේෂ අවධානය යොමු කළ යුතු ක්ෂේත්ර සහ අධි අවදානම් කලාප හඳුනාගැනීම, ඒකාබද්ධ විශේෂ මෙහෙයුම් ක්රියාත්මන කිරීම, තාක්ෂණික දායකත්වය ඉහළ නැංවීම, වෙනස්වන ස්වභාවික විපර්යාසයන්ට මුහුණදීම, ප්රතිකාර සේවා ශක්තිමත් කිරීම, මරණ අවම කිරීම යන කරුණු පිළිබඳව වැඩි අවධානයක් යොමු කරමින් අදහස් හා යෝජනා ලබාගැනීම සිදු කරන ලදි.
මෙහිදී සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසන ලද්දේ
මුළුමනින්ම ඩෙංගු තුරන් කිරිමේ සැලසුම් සහගත වැඩපිළිවෙළක් ඉදිරි වසර දෙක තුළ ක්රියාත්මක කළ යුතූ බවත්, ඒ සඳහා කැපවී කටයුතු කරන ලෙසයි.
පසුගිය ඩෙංගු අධි අවධානම් කාලය තුල සියලු ක්ෂේත්රවල සෞඛ්ය වෘත්තිකයින් දැක්වු දායකත්වය ද මෙහිදී ඇගයීමට ලක් කළ අමාත්යවරයා ඩෙංගු මරණ අඩු කරගැනීමට කටයුතු කිරීම විශේෂ ජයග්රහණයක් බව ද පැවසීය.
එමෙන්ම අඩු රෝගීන් ප්රමාණයක් වාර්තා වන කාලය තුළ ක්රියාත්මක කෙරෙන මදුරු මර්දන වැඩපිළිවෙළ තවත් ශක්තිමත් කළ යුතු බවත්, සෞඛ්ය අමාත්යාංශයේ අධීක්ෂණය යටතේ ග්රාම නිලධාරි වසමි දක්වාම සැලසුම් සහගත ඉළක්ක සහගත මදුරු මර්දන වැඩපිළිවෙළක් ක්රියාත්මක කළ යුතු බව ද අමාත්යවරයා වැඩිදුරටත් පවසන ලදි.
ජාතික ඩෙංගු මර්දන ඒකකයේ අධ්යක්ෂ, විශේෂඥ වෛද්ය කපිල කන්නන්ගර මහතා මෙහි දී පෙන්වා දෙන ලද්දේ තවමත් ඩෙංගු අධිඅවධානම් තත්ත්වයක් පැවතිය ද පසුගිය කාල පරිච්ජේදය තුළ ක්රියාත්මක කළ වැඩපිළිවෙළ හා ක්රියාකාරකම් හේතුවෙන් වර්තමානය වන විට රෝගීන් වාර්තාවීමේ යමි අඩුවක් දක්නට ලැබෙන බවයි. ඒ අනුව දිනකට 1300 ක් පමණ වාර්තා වූ ඩෙංගු රෝගීන් ප්රමාණය දිනකට 350 ක් 400 ක් ප්රමාණයකට අඩු වී ඇති බව ද පෙන්වා දෙන ලදි.
ඊයේ දිනය වන විට ඩෙංගු රෝගීන් 87,536 ක් සහ මරණ 63 ක් වාර්තා වී ඇති බව ද ඉදිරියේදී වැසි තත්ත්වයන් සහ දේශගුණික විපර්යාස පිළිබඳව අවධානය යොමු කරමින් මදුරු මර්දන වැඩපිළිවෙල අඛණ්ඩව ක්රියාත්මක කළ යුතු බවද මෙහිදී පෙන්වා දෙන ලදි.
වසර පුරා ක්රියාත්මක ජනතාව කේන්ද්ර කරගත් අඛණ්ඩ සැලසුම් සහගත වැඩපිළිවෙලක සහ විකල්ප වැඩපිළිවෙලක අවශ්යතාවය මෙහිදී සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා පෙන්වා දෙන ලද අතර, සෞඛ්ය සේවා අධ්යක්ෂ සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා ඩෙංගු මදුරු මර්දන කටයුතු වල ඉදිරි අභියෝග පිළිබඳවත් මදුරු මර්දන කටයුතු සඳහා සියලු සෞඛ්ය කාර්ය මණ්ඩල පසුගිය කාලය තුළ දක්වන ලද දායකත්වය ඇගයීමට ලක් කරන ලදී.
මෙම අවස්ථාවට සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ, සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන, නියෝජ්ය අධ්යක්ෂ ජනරාල් (මහජන සෞඛ්ය I) විශේෂඥ වෛද්ය එස්. එම්. ආර්නොල්ඩ්, නියෝජ්ය අධ්යක්ෂ ජනරාල් (මහජන සෞඛ්ය සේවා II) ජාතික ඩෙංගු මර්දන ඒකකයේ (National Dengue Control Unit) අධ්යක්ෂ, විශේෂඥ වෛද්ය කපිල කන්නන්ගර, පලාත් සෞඛ්ය සේවා අධ්යක්ෂ ජනරාල්වරුන්, ප්රාදේශීය සෞඛ්ය සේවා අධ්යක්ෂ ජනරාල්වරුන්, සෞඛ්ය වෛද්ය නිලධාරීන්, මහජන සෞඛ්ය පරීක්ෂකවරුන්, කීට විද්යා නිලධාරීන්, කීට විද්යාඥයින් ඇතුලු මහජන සෞඛ්ය ක්ෂේත්රයේ වෘත්තිකයින් රැසක් එක්ව සිටියහ.