නිරිතදිග බෙංගාල බොක්ක මුහුදු ප්රදේශයේ පැවති පීඩන අවපාතය දිවයින හරහා ගමන් කරමින් පවතින අතර ඒ හේතුවෙන් බොහෝ ප්රදේශවල තද වැසි හා සුළං ඇතිවන බව කාලගුණ විද්යා දෙපාර්තමේන්තුව අනතුරු ඇගවයි.
දිවයිනේ බොහෝ ප්රදේශවල විටින් විට වැසි හෝ ගිගුරුම් සහිත වැසි ඇතිවිය හැකියි.
නැගෙනහිර, ඌව, මධ්යම, සබරගමුව, බස්නාහිර, දකුණු සහ වයඹ පළාත්වලත්, පොළොන්නරුව දිස්ත්රික්කයේත් ඇතැම් ස්ථානවල මිලිමීටර 150 ට වැඩි ඉතා තද වැසි ඇතිවන අතර සෙසු පළාත්වල ඇතැම් ස්ථානවල මිලිමීටර 75 ට වැඩි තරමක තද වැසි ඇතිවිය හැකියි.
දිවයින හරහා පැයට කිලෝමීටර 40, 50 පමණ තද සුළං හමා යාමට ඉඩ තිබේ.
මන්නාරම සිට කන්කසන්තුරය, ත්රිකුණාමලය සහ මඩකලපුව හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ රළු විය හැකි බැවින් එම ප්රදේශවල නැවත දැනුම්දෙන තුරු යාත්රා නොකරන ලෙස ද ධීවර හා නාවුක ප්රජාවට කාලගුණ විද්යා දෙපාර්තමේන්තුව දණුම් දෙයි.