Spread the love

නිරිත දිග බෙංගාල බොක්ක ආශ්‍රිතව පැවති ගැඹුරු පීඩන අවපාතය,ඊයේ පෙරවරු 11.30 වන විට කන්කසන්තුරය වෙරළට කි.මී. 340 ක් ඊසාන දෙසින් ස්ථානගතව පැවතුන බව කාලගුණ විද්‍යා දෙපාර්තමේන්තුව පවසනවා.

මෙම පද්ධතිය ඉදිරි පැය 36 ක කාලයක් තුළ නිරිත දෙසට, උතුරු තමිල්නාඩු වෙරළ වෙත ගමන් කරමින් ක්‍රමයෙන් අඩු පීඩන කලාපයක් බවට දුර්වල වනු ඇති බව අපේක්ෂා කෙරෙනවා.

උතුරු පළාතේ විටින් විට වැසි ඇතිවිය හැකි අතර උතුරු-මැද පළාතේ වැසි වාර කිහිපයක් ඇතිවීමේ හැකියාව පවතිනවා. ඌව සහ දකුණු පළාත් වලත් රත්නපුරය සහ නුවරඑළිය දිස්ත්‍රික්කවලත් සවස් කාලයේ දී හෝ රාත්‍රි කාලයේ දී තැනින් තැන වැසි හෝ ගිගුරුම් සහිත වැසි ඇතිවීමේ හැකියාව පවතින බවයි එම දෙපාර්තමේන්තුව සඳහන් කරන්නේ.

උතුරු පළාතේ ත්‍රිකුණාමලය දිස්ත්‍රික්කයේ සුළඟේ වේගය විටින් විට පැ.කි.මී 40-50 දක්වා වැඩි විය හැකියි.