ග්රාම නිලධාරියා, මැතිවරණ නිලධාරියෙක් බැවින් එළැඹෙන ජනාධිපතිවරණයේදී සිය උපරිම දායකත්වය ලබාදීමේ අරමුණෙන් සිය වෘත්තීය ක්රියාමාර්ගය අද (18) මධ්යම රාත්රියේ සිට තාවකාලිකව අවසන් කරන බව ග්රාම නිලධාරි වෘත්තිය සමිති සන්ධානයේ සම සභාපති නන්දන රණසිංහ මහතා පවසයි.
ග්රාම නිලධාරි සේවා ව්යවස්ථාව සහ ග්රාම නිලධාරි දිමනාවන් වත්මන් ආර්ථික තත්ත්වයට ගැලපෙන ලෙස සකස්කර දෙන ලෙස ඉල්ලමින් දිවයින් පුරා ග්රාම නිලධාරිවරු මැයි 04 වනදා සිට වෘත්තීය ක්රියාමාර්ගයක් ආරම්භ කළහ.
මේ අතර ග්රාම නිලධාරි වෘත්තිය සමිති සන්ධානය විසින් අගෝස්තු 12 වනදා සිට 18 වනදා දාක්වා කළු විරෝධතා සතියක් අරම්භකර තිබුණු අතර එයද අද මධ්යම රාත්රීයේ සිට අවසන් කිරීමට නියමිතව ඇති බව ග්රාම නිලධාරි වෘත්තිය සමිති සන්ධානයේ සම සභාපතිවරයා පැවසීය.
එමෙන්ම මැයි 17 වනදා සිට මේ දක්වා ග්රාම නිලධාරිවරුන් විසින් ක්රියාත්මකළ අකුරට වැඩ කිරීමේ වෘත්තීය ක්රියාමාර්ගයද අද මධ්යම රාත්රියේ සිට අවසන් වන බව ග්රාම නිලධාරි වෘත්තිය සමිති සන්ධානයේ සම සභාපතිවරයා වැඩිදුරටත් පැවසීය