නිමල් රාජපක්ෂ –
මේ වසරේ වැඩිහිටි තැනැත්තන් සදහා රුපියල් මිලියන 500 ක මුදලක් වියදම් කිරීමට රජය සැලසුම් කර ඇතැයි ග්රාමීය සංවර්ධන සමාජ ආරක්ෂණ හා ප්රජා සවිබලගැන්වීමේ අමාති ආචාර්ය උපාලි පන්නිල මහතා පවසයි.
ග්රාමීය සංවර්ධන සමාජ ආරක්ෂණ හා ප්රජා සවිබලගැන්වීමේ අමාත්යංශයට අනුබද්ධ වැඩිහිටි තැනැත්තන් සඳහා වූ ජාතික මහ ලේකම කාර්යාලයේ අර්ධ වාර්ෂික ප්රගති සමාලෝචනය පසුගියදා විෂය භාර අමාත්ය ආචාර්ය උපාලි පන්නිල මහතාගේ ප්රධානත්වයෙන් අමාත්යංශ ශ්රවනාගාරයේදී පැවැති අවස්ථාවේදීය.
වැඩිහිටි තැනැත්තන්ගේ අයිතීන් ආරක්ෂා කිරීමේ පනත කාලීන අවශ්යතාවන්ට අනුරූපී වන ලෙස සංශෝධනය කිරීම, වැඩිහිටි තැනැත්තන් සඳහා නව ජාතික ප්රතිපත්තියක් සකස් කිරීම,
වැඩිහිටි තැනැත්තන් සඳහා වන සුබසාධන කටයුතු අඛන්ඩව පවත්වාගෙන යාම, ජාත්යන්තර ප්රමිතීන්ට අනූව වැඩිහිටි රැකවරණ මධ්යස්ථානයක් කතරගම ප්රදේශයේ ඉදිකිරීම, සියළුම වැඩිහිටි රැකවරණ මධ්යස්තාන නව මාර්ගෝපදේශන අනූව ලියාපදිංචි කිරීම, වැනි කරුණු පිළිබඳව එහිදී ප්රධාන වශයෙන් අවධානය යොමු කෙරිණි.
එහිදී අදහස් දක්වමින් අමාත්යවරයා සඳහන් කළේ පොහොසත් රටක් ලස්සන ජීවිතයක් ප්රතිපත්ති ප්රකාශයේ සඳහන් පරිදි සියළුම වැඩිහිටියන් සඳහා සුව පහසු ප්රීතිමත් විශ්රාම දිවියක් උරුමකර දීම වෙනුවෙන් වගකිය යුතු ප්රධාන අමාත්යංශය ලෙස හා ආයතනය ලෙස විශාල වගකීමක් පැවරී තිබෙන බවයි.