ශ්රී ලංකාව ආශ්රිතව පවතින පහළ වායුගෝලීය කැළඹිලි ස්වභාවය හේතුවෙන්, දිවයිනේ දැනට පවතින වැසි තත්ත්වය ඉදිරි දින කිහිපයේදී තවදුරටත් බලපොරොත්තු වන බව බව කාලගුණ විද්යා දෙපාර්තමේන්තුව පවසයි
අද (09) දිවයිනේ බොහෝ ප්රදේශවලට පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති වන බවයි සඳහන් වන්නේ.
බස්නාහිර, සබරගමුව, මධ්යම, ඌව, වයඹ සහ උතුරු-මැද පළාත්වලත්, ගාල්ල, මාතර සහ මන්නාරම දිස්ත්රික්කවලත් ඇතැම් ස්ථානවලට මි.මී. 100 ට වැඩි තද වැසි ඇති විය හැකි අතර, බස්නාහිර, දකුණු සහ උතුරු පළාත්වලට උදෑසන කාලයේදීත් වැසි ඇති විය හැකියි.
මධ්යම, සබරගමුව සහ ඌව පළාත්වලත්, කුරුණෑගල දිස්ත්රික්කයේ ඇතැම් ස්ථානවලත් අළුයම් කාලයේදී මීදුම් සහිත තත්ත්වයක් පැවතිය හැකි බවයි දැක්වෙන්නේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටි.