නිමල් රාජපක්ෂ-
ශ්‍රී ලංකාවට එක්සත් රාජධානියේ පැවති “Travel & Taste Awards 2026″ සම්මාන උළෙලේදී ගෞරවනීය ‘Luxury Food Destination of the Year’ (වර්ෂයේ සුඛෝපභෝගී ආහාර ගමනාන්තය) සම්මානය හිමි විය.
මෙම සම්මානය “World Travel Market” සංචාරක ප්‍රදර්ශනයේ ඇති ශ්‍රී ලංකා සංචාරක කටයුතු පිළිබඳ ඇති ප්‍රවර්ධන ස්ථානයේදී, Travel & Taste Awards හි ප්‍රධාන සංවිධායක ඇලෙක්ස් ක්‍රොස්ලි මහත්මිය විසින් පිළිගන්වන ලදී
සංචාරක නියෝජ්‍ය අමාත්‍ය මහාචාර්ය රුවන් රණසිංහ මහතා ශ්‍රී ලාංකික ජනතාව වෙනුවෙන් මෙම සම්මානය පිළිගත්තේය.
Travel & Taste Awards යනු සම්මාන කාණ්ඩ 17ක් යටතේ ලෝකයේ විශිෂ්ටතම ආහාර-කේන්ද්‍රීය සංචාරක අත්දැකීම් සහ ගමනාන්ත සමරන උළෙලකි.
Travel & Taste Awards යනු සම්මාන කාණ්ඩ 17ක් යටතේ ලෝකයේ විශිෂ්ටතම ආහාර-කේන්ද්‍රීය සංචාරක අත්දැකීම් සහ ගමනාන්ත සමරන උළෙලකි.
ජයග්‍රාහකයින් තෝරාගනු ලැබුවේ ප්‍රමුඛ පෙළේ ආහාර හා සංචාරක විශේෂඥයින්, මද්‍යසාර විශේෂඥ මිලී මිලිකන්-හෝල්ඩ්හැම්, ආහාර සංචාරක අන්තර්ගත නිර්මාපක වර්නා ගාඕ සහ සත්කාරක ක්ෂේත්‍රයේ රසවින්දන ශිල්පී ජිනා ජැක්සන් සහ මිලී කෙනී-රයිඩර් යන ප්‍රවීණ පිරිසකගෙන් සමන්විත විශිෂ්ට විනිශ්චය මණ්ඩලයක් විසින් වන අතර, දිවයිනේ සුඛෝපභෝගී භාවය නැවත අර්ථ දක්වන නව බුටික් හෝටල් කණ්ඩායම් රැල්ලක්, උද්යෝගිමත් හා ජීවමාන සූපශාස්ත්‍ර දර්ශනයක් සහ අසාමාන්‍ය දේශීය ස්වභාවික අස්වැන්න සමඟ ශ්‍රී ලංකාව ඒකාබද්ධ කර ඇති ආකාරය යන කරුණු කිහිපයක් විනිශ්චයකරුවන් විසින් විශේෂයෙන් අවධාරණය කරන ලදී.
මෙම ගෞරවනීය පිළිගැනීම ශ්‍රී ලංකාවේ අසාමාන්‍ය සූපශාස්ත්‍ර විවිධත්වය, විශිෂ්ට රසයන් සහ උසස් තත්ත්වයේ ආහාර අත්දැකීම් හඳුනා ගනිමින්, නැගී එන සුඛෝපභෝගී ආහාර හා සංචාරක ගමනාන්තයක් ලෙස ශ්‍රී ලංකාවේ ස්ථානය තවදුරටත් ශක්තිමත් කරනු ලැබේ.
මෙය ශ්‍රී ලංකාව ජාත්‍යන්තර සංචාරකයින්ට ලබා දෙන පොහොසත් සූපශාස්ත්‍ර උරුමය සහ විශිෂ්ට ආහාර අත්දැකීම් සඳහා සාක්ෂියක් වන අතර, ගුණාත්මකභාවය පිළිබඳව සැලකිලිමත් සහ අත්දැකීම් මුල් කරගත් සංචාරකයින් ආකර්ෂණය කර ගැනීම සඳහා අපගේ රට ගන්නා උත්සාහයන්ට තවත් වේගයක් එක් කරයි.