නිමල් රාජපක්ෂ-
ශ්‍රී ලංකාවේ තිරසර සංවර්ධනය සඳහා දායකත්වය ලබාදීමේ අරමුණින් සර්වෝදය ඩිවලොප්මන්ට් ෆිනෑන්ස් (SDF) ආයතනය විදුලි වාහන (EV) භාවිතය ප්‍රවර්ධනය කිරීම සහ සුළු හා මධ්‍ය පරිමාණ ව්‍යාපාර (SMEs) සඳහා මූල්‍ය පහසුකම් සැපයීම කෙරෙහි අවධානය යොමු කර තිබේ.
තිරසර සංවර්ධනය සඳහා දක්වන අවධානය යටතේ විදුලි වාහන භාවිතය ප්‍රවර්ධනය කිරීම මෙන්ම සුළු හා මධ්‍ය පරිමාණ ව්‍යාපාර සඳහා සුදුසු මූල්‍ය පහසුකම් ලබාදීම හැකියාව සොයා බැලීම මෙම වැඩපිළිවෙළේ ප්‍රධාන අරමුණ වේ. එමෙන්ම ශ්‍රී ලංකාව තුළ විදුලි වාහන ආරෝපණ පහසුකම් ව්‍යාප්ත කිරීමෙන් වාහන භාවිතය සඳහා අවශ්‍ය යටිතල පහසුකම් වැඩිදියුණු කිරීමට ද SDF සමගම අපේක්ෂා කරයි.
SDF සමගම කොළඹ 08 පිහිටි සිය ප්‍රධාන කාර්යාල පරිශ්‍රයේ විදුලි වාහන සඳහා නව ආරෝපණ පහසුකමක් හඳුන්වාදීමට කටයුතු කර තිබේ. Vidullanka PLC සමාගමට අනුබද්ධිත Vdrive ආයතනය මඟින් ආරෝපණ සේවා සැපයුම් ලබාදීමේ වැඩපිළිවෙළක් ද ක්‍රියාත්මක කර තිබේ. පැය 24 පුරා ක්‍රියාත්මක වන මෙම පහසුකම හරහා විදුලි වාහන හිමියන්ට අවශ්‍ය පහසුකම් සැලසීම සහ නවීන ආරෝපණ සේවා ලබාගැනීමට අවස්ථාව සැලසීම අරමුණ වේ.
මෙම විදුලි වාහන ආරෝපණ වැඩසටහනට කිලෝවොට් 70ක ධාරිතාවයකින් යුත් සූර්ය බලශක්ති පද්ධතියක් සහය ලබාදෙන අතර, එම පද්ධතිය SDF ප්‍රධාන කාර්යාලයේ දෛනික විදුලි අවශ්‍යතා සපුරාලීමට ද උපකාරී වේ. මෙලෙස සූර්ය බලශක්තිය භාවිත කිරීම තුළින් වාණිජ කටයුතු සඳහා පුනර්ජනනීය බලශක්තිය යොදාගැනීමේ හැකියාව පෙන්වා දෙන අතර, පරිසර හිතකාමී ප්‍රවාහන ක්‍රමවේද ප්‍රවර්ධනය කිරීම සඳහා ද එය දායක වේ.
මෙම වැඩසටහන පිළිබඳ අදහස් දක්වමින් Sarvodaya Development Finance PLC හි ප්‍රධාන විධායක නිලධාරී නිලධාරීන්ගේ අදහස් ද මෙහිදී සඳහන් කර තිබේ.
“තිරසර ආර්ථිකයක් කරා ශ්‍රී ලංකාව ගෙන යාමෙන් සමගි සමාජ හා මධ්‍ය පරිමාණ ව්‍යාපාර සහ ව්‍යාපාරිකයන්ට නව ව්‍යාපාරික අවස්ථා උදාකරමින් පවතිනවා. SDF සමාගම ලෙස අපගේ අරමුණ වන්නේ විදුලි වාහන ආරෝපණ පහසුකම් වැඩිදියුණු කිරීම තුළින් ව්‍යාපාරිකයන්ට සහ පාරිභෝගිකයන්ට අවශ්‍ය අවස්ථා පුළුල් කිරීමයි. මේ වැඩසටහන හරහා නව ව්‍යාපාරික අවස්ථා නිර්මාණය කිරීමටත්, පුනර්ජනනීය බලශක්ති භාවිතය ඉහළ නැංවීමටත් අපේක්ෂා කරනවා.”
මෙම වැඩසටහන කොළඹ සහ ඒ අවට ප්‍රදේශවලට පමණක් සීමා නොකර, ඉදිරියේදී දිවයින පුරා විදුලි වාහන ආරෝපණ පහසුකම් පුළුල් කිරීම සඳහා සහාය ලබාදීමට ද SDF සමාගම විශේෂ සැලසුම් කර ඇත. ඒ සඳහා සුළු හා මධ්‍ය පරිමාණ ව්‍යාපාරවලට ගැළපෙන මූල්‍ය විසඳුම් ලබාදීමට හැකියාව සොයාබලමින්, පෞද්ගලික අංශයේ ආයතන සමඟ සහයෝගයෙන් කටයුතු කිරීමට ද අවධානය යොමු කර තිබේ.
සුළු හා මධ්‍ය පරිමාණ ව්‍යාපාර ශක්තිමත් කිරීම, ප්‍රාදේශීය ආර්ථිකය නංවාලීම සහ සියලු දෙනාටම මුල්‍ය සේවා සැපයීම යන ප්‍රමුඛ අරමුණු සමඟ මෙම වැඩපිළිවෙළ ක්‍රියාත්මක කිරීමට SDF සමාගම බලාපොරොත්තු වේ.
NIMAL RAJAPAKSHA -0777 305 751
srarajnews@gmail.com
nimalrajapaksha2@gmail.com
ඹබගේ ආයතන ,ව්‍යාපාරික , කලා කටයුතු හා නිර්මාණ කටයුතු ඉතා පහසු හා අඩුම මිලට පළකර ගැනීම සදහා අප මාධ්‍ය ආයතනය අමතන්න