දේවින්ද පිණිදිය

ශ්‍රී ලංකා නාවික හමුදාව, පුත්තලම මාම්පූරි වෙරළ ප්‍රදේශය ආශ්‍රිතව පසුගියදා (15) සිදුකළ විශේෂ සෝදිසි මෙහෙයුමක් මඟින්, නීති විරෝධී ලෙස මෙරටට රැගෙන ඒම‍‍ට උත්සාහ කළ බීඩි කොළකිලෝ ග්‍රෑම් එක්දහස් දෙකකට (1002) අධික තොගයක් (තෙත බර සහිතව) සහ එනසාල් කිලෝ ග්‍රෑම් එකසිය දහසයක (116) පමණ තොගයක් රැගත් ඩිංගි යාත්‍රාවක් (01) සමඟ සැකකරුවන් දෙදෙනෙකු (02) නාවික හමුදා භාරයට ගැනීමට කටයුතු කෙ‍රිණි.  

ඒ අනුව, වයඹ නාවික විධානයේ ශ්‍රී ලංකා නාවික නෞකා තම්බපණ්නි ආයතනය මඟින්, පුත්තලම මාම්පූරි වෙරළ ප්‍රදේශය ආශ්‍රිතව සිදුකළ මෙම විශේෂ සෝදිසි මෙහෙයුමේදී මෙවුන් කොටුකර ගැනීමට සමත්වී ඇත.

තවද, මෙම මෙහෙයුම මඟින් නාවික හමුදා භාරයට ගත් සැකකරුවන් වයස අවුරුදු 40ක් සහ 52ක් වන පුත්තලම මාම්පූරි හා තලවිල ප්‍රදේශයන්හී පදිංචිකරුවන් බවට හඳුනාගත් ඇත.

එම සැකකරුවන්, බීඩි කොළ තොගය, එනසාල් සහ ඩිංගි යාත්‍රාව ඉදිරි නීතිමය කටයුතු සඳහා කටුනායක රේගු නිවාරණ කාර්යාලය වෙත භාරදීමට කටයුතු කෙරිණි.