අග්බෝපුර පොලිස් වසමේ කන්තලේ – ත්‍රිකුණාමලය මාර්ගයේ 85 කණුව ආසන්නයේදී අග්බෝපුර සිට කන්තලේ දෙසට ගමන් ගත් කැබ් රථයක පිටුපස එම දිශාවටම ධාවනය වූ බස් රථයක් ගැටීමෙන් පසු ඊට ප්‍රථිවිරුද්ධ දිසාවෙන් පැමිණි ලොරි රථයක එම බස් රථය ගැටී අනතුරක් සිදුව ඇත.
අනතුරින් බස් රථයේ රියදුරු හා එහි ගමන් ගත් කුඩා දරුවන් ඇතුළු 20 දෙනෙතු තුවාල ලබා කන්තලේ රෝහලට ඇතුලත් කිරීමේදී බස් රථයේ රියදුරු මියගොස් ඇත.
මරණකරු මාවනැල්ල ප්‍රදේශයේ පදිංචිකරුවෙකු වේ.
මෘත ශරීරය කන්තලේ රෝහලේ මෘත ශරීරාගාරයේ තැන්පත් කර ඇත.
අග්බෝපුර පොලිසිය වැඩිදුර විමර්ශන සිදු කරනු ලබයි.