ජාතික පොසොන් සතිය අදින් ඇරඹෙන අතර පොසොන් උත්සවයට පැමිණෙන බැතිමතුන්ගේ පහසුව සඳහා අවශ්ය සියලු කටයුතු මේ වනවිට සූදානම් කර ඇති බව අනුරාධපුර දිස්ත්රික් ලේකම් කේ.පී.ආර්. විමලසූරිය මහතා පැවසීය.
අදින් ඇරඹෙන පොසොන් සතිය13 වැනි දින දක්වා ක්රියාත්මක වෙන අතර අනුරාධපුර නගරය, මිහින්තලය සහ තන්තිරිමලය යන සිද්ධස්ථාන කේන්ද්ර කරගනිමින් ජාතික පොසොන් උත්සවය පැවැත්වීමට සැලසුම් කර ඇතැයිද විමලසුරිය මහතා වැඩිදුරටත් පැවසුවේය.
පොසොන් කාලසීමාව තුළ බැතිමතුන්ට අවශ්ය පහසුකම් සපයාගැනීම සඳහා විශේෂ ජංගම දුරකථන යෙදවුමක් ද නිර්මාණය කර ඇති බවය.
රථවාහන තදබදය අවම කරගැනීම සඳහා සහ අනුරාධපුරයට පැමිණෙන බැතුමතුන්ගේ පහසුව සඳහා වාහන නැවැත්වීමට රථගාල් පහසුකම් ඇති ස්ථාන, දන්සල් පැවැත්වෙන ස්ථාන, ප්රථමාධාර මධස්ථාන ඇති ස්ථාන මෙන්ම මාර්ග තදබදය පවතින ස්ථාන ආදිය ඇතුළත් කරමින් මෙම යෙදවුම හදුන්වා දීමට බලාපොරොත්තු වන බවද කේ.පී.ආර්. විමලසූරිය මහතා වැඩි දුරටත් සදහන් කළේය.